Descrizione
Ónnia editzioni est sèmpiri prus arrica de novidadis de importu e autoris natzionalis e internatzionalis. Ocannu Sanluri Legge at a tenni s’ onori de acasagiai Federico Buffa, Sigfrido Ranucci, Gianrico Carofiglio, Marianna Aprile, Michela Ponzani, Flavio Soriga, Gianluca Pischedda, Marco Strano, Alessandra Corrias, Nicola Muscas, Piergiorgio Pulixi, Matteo Porru, Luca Locci.
Ant a essi dus is acabus de cida po chistionai cun is autoris, po ascurtai contus, po afrontai temas socialis “Seus cuntetus meda de sa de noi editzionis – si narat su Síndigu de Seddori Alberto Urpi – seus arrenéscius a realizai unu cartelloni cun autoris de spantu chi si ant a fai passai momentus de spréviu e fungudus. Cun Sanluri Legge portaus in domu nostra in Campidnu e Marmilla autoris e giornalistas de fama internatzionali. In medas non nci creiant a s’incarreru 9 annus infatu, candu eus propónniu po sa prima borta su festival literàriu. Is arresultaus si funt donendi arrexoni.”
Custa editzioni ( de su 9 a su 11 e de su 16 a su 18 de Maju 2025) cun sa diretzioni artística de Valeria Ciabattoni si at a fai biri s’ intreveru de autoris, recitals e spetàculus. Si ant a biri temas de atualidadi, de sa crònaca a sa política, a sàgius e romanzus grogus e noir, acotzaus de paristórias e contus de sport e arretratus de artistas.
Su logu, cumenti po is àteras editzionis, est cunfermau: sa spantosa guarnissa de su giardinu de su Casteddu Medievali de Seddori.
Su programma:
Si partit cenàbara su 9 de Maju 2025 a is oras 16:00 cun sa presentatzioni de Le bugie di Chico. L'ergastolano che ci ha ingannati per vent'anni” di Marco Strano (La Bussola 2024) chi fait luxi apitzus de su casu de Enrico “Chico” Forti. Fueddat cun s’autori Marianna Chessa.
Sighit, sèmpiri cenàbara su 9 de Maju a is oras 18.30, Nicola Muscas chi presentat su romanzu “Un amore di contrabbando. Gigi Riva, una vita inrovesciata” (Mondadori 2025), ndi chistionat cun Francesca Figus, po torrai gràtzias a su chi non s’ eus mai a scaresci Rombo di Tuono, unu eroi modernu chi s’at fatu bisai e esultai sa Sardigna e su mundu intreu.
Gianrico Carofiglio presentat “Elogio dell’ignoranza e dell’errore” (Einaudi 2024) su libbru suu, Sàbudu su 10 de Maju a is oras 16:00 e ndi chistionat cun Francesca Figus po pentzai apitzus de is paradossus de sa scièntzia e de sa vida, e apitzus de cantu si podit imparai de is “fallimentus” chi sinnant su progressu e s’evolutzioni de s’ umanidadi.
Sèmpiri Sàbudu su 10 de Maju a is oras 18:30 sa presentatzioni de Rundinedda Road. La storia di Piero Marras” (Sa bibblioteca de s’identodadi de L’Unione Sarda), su libbru de Alessandra Corrias ispirau a sa vida e a sa música de su cantautori (acapiau a s’album “Poetas”) in s’atóbiu cun s’autora e a incuru de Francesca Figus.
Sigfrido Ranucci, condutori de “Report”, programa símbulu de su giornalismu de inchiesta in Italia at a serrai Sàbudu su 10 de Maju 2025 a is oras 20:00. Contat in su sàgiu “La scelta” (Bompiani 2024): auturetratu de unu cronista “scómudu”, chi si fait pentzai impari a su giornalista Vito Biolchini apitzus de su rolu de s’informatzioni e de sa circa de sa beridadi.
Focus apitzus de sa situatzioni política internatzionali domínigu 11 de Maju a is oras 20:00 cun sa Chistionada cun sa giornalista Marianna Aprile e Michela (stòrica e condutora televisiva, de “ll tempo e la storia” a “La mia passione”, a “Clio. Il filo della Storia” apitzus de s’emancipatzioni femminina e “Storie contemporanee”) a incuru de Francesca Figus, po una riflessioni apitzus de sa libertadi de stampa e apitzus de is frontieras noas de su giornalismu in su tempus de is social media e de is fake news.
Una pàgina lègia de sa stória de sa Sardigna si dda contat cenàbara su 16 de Maju a is oras 18:30 in "Il sequestro di un bambino - Una storia vera" (ed. La Zattera), Luca Locci, furau candu teniat sceti 7 annus, su 24 de Làmpadas de su 1978, si contat is 93 diis de “presonia”. Pàgina a infatu de pàgina torrat a pentzai a unu de is accuntèssius chi in is annus ’70 iant fatu atzicai s’ opinioni púbblica de Macumere, sa citadi innui est nàsciu, de su Marghine e de sa Sardigna intrea, fadendi preocupai una de is famìllias de imprendotoris prus connotus e stimaus: i Locci.
Tenit su titulu “La storia siamo noi. Voci, suoni e appunti di Sardegna” su recital de e cun Flavio Soriga apitzus de is notas de su violoncellu de Gianluca Pischedda (produtzioni Insulae Lab) in su cartelloni Cenàbara su 16 de Maju 2025 a is oras 20:00: una letzioni-spetàculu apitzus de is impresas de is aventurieris e is reis e de “genti chi at gherrau po sa libertati” o “Populanus chi ant pigau is armas po si difendi de una invasioni”.
Rifletoris apitzus de Federico Buffa, protagonista Sàbudu su 17 de Maju a is oras
20:00 in su Casteddu de Seddori cun “Italia Mundial”, su contu de una straordinària epopeja sportiva, cun sa colunna sonora de su pianista e compositori Alessandro Nidi, innu su giornalista e scritori, icona de Sky Sport, torrat a pentzai a is gol fabulosus e is emotzionis de su triunfu de is asulus a sa Copa de su Mundu de su 1982.
Unu atóbiu dópiu a cura de Francesca Figus po s’ úrtima dì de su Festival Sanluri Legge, domínigu su 18 de Maju: s’ incarrerat a is oras 18:30 cun “Se i gatti potessero parlare” (Marsilio 2025), su romanzu nou de Piergiorgio Pulixi innui Curzio Montecristo, meri de sa libreria de Les Chats Noirs, sceberat cumenti “libreria chi galligiat” po una speciali crociera literària a inghíriu de sa Sardigna cun sa partecipatzioni de unu “giallista” famau, benit imburdigau in una malafatia impari a dus pisitus e a s’ispetori Caruso; in s’interis a is oras 20:00 su scritori Matteo Porru (Prèmiu Campiello Giovani 2019 e Grand Prix du Livre 2024) presentat s’ úrtimu libbru suu, “Il volo sopra l’Oceano” (Mondadori 2025), contu de Micheli, unu ventrilocu in pentzioni chi cumintzat s’ úrtimu viàgiu de importu po agatai unu amori antigu e serrai su circu de una vida.
Su Fèstival Sanluri Legge – arribbau a sa de noi editzionis – est promóviu de sa Citadi de Seddori cun s’agiudu de sa Regioni Autónoma de Sardigna e de sa Fondatzioni de Sardigna, e cun sa collabboratzioni de CeDAC/ Circuito Multidisciplinare dello Spettacolo dal Vivo in Sardigna e cun su coordinamentu de s’ Associazione Enti Locali per le Attività Culturali e di Spettacolo.
Su programma at a essi:
Su 9 de Maju 2025 – a is oras 16:00
Marco Strano
“Le bugie di Chicco Forti” – ed. La Bussola presenta Marianna Chessa
Su 9 de Maju 2025 – a is oras 18:30
Nicola Muscas
“Un amore di contrabbando” ed. Mondadori
Su 10 de Maju 2025 – a is oras 16:00
Gianrico Carofiglio
“Elogio dell’ignoranza e dell’errore” ed. Einaudi
Su 10 de Maju 2025 – a is oras 18:30
Alessandra Corrias
“Rundinedda Road. La storia di Piero Marras” ed. La biblioteca dell’identità. L’Unione Sarda.
Su 10 de Maju 2025 – a is oras 20:00
Sigfrido Ranucci
“La scelta” ed. Bompiani Overlook
Presentat Vito Biolchini.
Su 11 de Maju 2025 – a is oras 20:00
Cianciarrada cun Marianna Aprile e Michela Ponzani
Su 16 de Maju 2025 – a is oras 18:30
Luca Locci
“Il sequestro di un bambino – Una storia vera” – ed. La Zattera
Su 16 de Maju - a in oras 20:00
“La storia siamo noi. Voci, suoni e appunti di Sardegna”
de e cun Flavio Soriga e Gianluca Pischedda
Spetàculu
Su 17 de Maju – a is oras 20:00
“Italia mundial” de e cun Federico Buffa
e cun M° Alessandro Nidi
Spetàculu.
Su 18 de Maju – a is oras 18:30
Piergiorgio Pulixi
“Se i gatti potessero parlare” – ed. Marsilio
Presentat Giuditta Sireus.
Su 18 de Maju – a is oras 20:00
Matteo Porru
“Il volo sopra l’Oceano” – ed. Mondadori
Diretzioni artìstica: Valeria Ciabattoni
Presentat is autoris: Francesca Figus
(Traduzione della notizia svolta con la prosecuzione del progetto “Terras de Marmilla, Linas e Campidanu” Sanluri Capofila, finanziato con i fondi della Regione Autonoma della Sardegna conformi alla L. 482/99 e alla L.R 22/2018 per l’annualità 2024)